Chomh maith le seomraí agus áiseanna comhdhála in an Carn, tá spás mór ilfheidhme againn sa Choire ar féidir é a leagan amach i bhformáidí difriúla le spás a thabhairt do suas le 220 duine i leagan amach amharclainne. Is spás ar dóigh é seo do chomhdhálacha a bhfuil freastal mór orthu agus imeachtaí eile mar cheolchoirmeacha, taispeántais, scannáin agus a lán lán eile. Is féidir é a leagan amach do suas le 160 duine fá choinne ócáid speisialta ar bith.

Tá raon leathan áiseanna againn, tréan spáis páirceála ar an láthair, agus thig linn lónadóireacht a chur ar fáil le freastal ar gach blas, buiséad agus riachtanas bia tríd an chaifé ar an láthair, an Croí. Is féidir trealamh breise a chur ar fáil ar iarratas, lena n-áirítear teilgeoirí, ríomhairí glúine agus smeach-chairteacha.

Tá córas fógartha poiblí gairmiúil suiteáilte againn, agus córas treoraithe turais, le paca micreafóin amháin agus deich bpaca glacadóra. Is féidir seo a úsáid mar chóras ateangaireachta do chruinnithe etc. Tá rochtain Wi-Fi saor in aisce ar an láthair ar fad chomh maith.

Tá an Coire go hiomlán inrochtana do dhaoine faoi mhíchumas, le hardaitheoir go dtí an chéad urlár, rochtain le rampaí agus leithreas do dhaoine faoi mhíchumas.

Ná bíodh drogall ort teagmháil a dhéanamh linn le do riachtanais a phlé agus déanfaimid iarracht cuidiú leat.