Oibrí Tacaíochta Óige x 4

Is eagraíocht comhphobal í Charn Tóchair, suite taobh amuigh de Mhachaire Rátha. Cuireadh an cumann pobail Charn Tóchair ar bun le cuidiú raon tionscnamh a chur i gcrích agus an aidhm acu daoine folláine, sona agus muiníneacha agus pobal tuaithe inbhuanaithe a chruthú. Tá an obair óige i gcroí lár an obair/imeachtaí Charn Tóchair. Is iad na aidhmeanna don cumann pobail ná:

• Áit tharraingteach le cónaí inti agus fás suas ann, mar a mothaíonn ár ndaoine óga gur cuid thábhachtach di agus gur mhaith leo cónaí a dhéanamh ann go buan.
• Ceantar mar a bhfuil tithíocht agus raon bonneagair seirbhíse pobail ar fáil do theaghlaigh óga.
• Pobal atá bródúil as a gceantar, a gcomhshaol áitiúil agus a n-oidhreacht chultúrtha agus teanga.
• Pobal dátheangach, ag imirt ról tábhachtach ag casadh thaoide an mheatha teanga lena theanga dúchais a chur ar ais i réim.
• Pobal caoinfhulangach a dhearcann amach le féinmhuinín chomhchoiteann agus a chuireann fáilte roimh dhaoine eile.
• Pobal atá ag soilsiú an bhealaigh do phobail eile ar fud na hÉireann agus níos faide i gcéin le theacht arís ar a gcuspóir agus ar a n-inbhuanaitheacht fhadtéarmach.

Sonraí an phoist

Tá Choiste Forbartha Charn Tóchair ag earcú 4 oibrithe tacaíochta óige chun bheith ag obair i Club Óige Charn Tóchair agus cuidiú linn an togra ceannródaíoch óige seo a fhorbairt thar tréimhse bliana. Bunaíodh oibre óige i gCarn Tóchair i 2008 agus tá sé ag fás agus a forbairt mar sháinshéirbhís óige áitiúil ó shin i leith. Don chéad uair ariamh, tá aitheantas oifigiúil tugtha ag an Údaras Oideachais don séirbhís óige s’againn agus ta maoiniú faighte le haghaidh sonraíocht óige áitiúil i Carn Tóchair. Tá an cumann dírithe ar pháistí idir 9 agus 18 agus bíonn sé oscailte ar a laghad 6 uair a chloig in aghaidh na seachtaine. Déanfar sáinchláir san Obair Óige a sholáthar le réimse cuimsitheach de chláracha forbartha agus traenála óige, a thógann ar scileanna pearsanta, sóisialta, mothúchánach agus sochtheangeolaíochta na ndaoine óga i dtearmann sabháilte óige. Beidh an 4 oibrithe tacaíochta óige seo ag obair faoi stiúir an Comhordaitheoir Óige Áitiúil chun sáinchláir san Obair Óige Dhúchasach Tumthach a sholáthar le réimse cuimsitheach de chláracha forbartha agus traenála óige, a thógann ar scileanna pearsanta, sóisialta, mothúchánach agus sochtheangeolaíochta na ndaoine óga i dtearmann sabháilte óige.

CUR SÍOS POIST

TEIDEAL POIST Oibrí Tacaíochta Óige

LÁTHAIR: An Carn, 132 Bóthar Thir Ciana, Machaire Rátha

FREAGRACH DO: Comhordaitheoir Óige Áitiúil

TUARASTAL: ag brath ar taithí

CONRADH/TÉARMA: Post Bliana

UAIREANTA: 6 uair a chloig sa seachtain

Critéir Riachtanacha d’Oibrithe Tacaíochta Óige:

• Ardchaighdeán Gaeilge idir labhartha agus scríofa
• Duine fuinniúil gníomhach féinmhuiníneach, le hardscileanna idirphearsanta, a dtig leis/léi obair a dhéanamh as a stuaim féin agus mar chuid d’fhoireann.
• Taithí ar chláracha óige a phleanáil agus a sheachadadh in suíomh an obair óige.
• Scileanna cumasacha i mbogearraí na teicneolaíochta faisnéise is forbairt bunachar sonraí, is scairbhíleogaí excel.
• Scileanna maithe cumarsáide agus cumas bheith i ndán margaíocht agus poiblíocht chuí a dhéanamh ar obair i gcomhthéacs na meán shóisialta agus na meán thráidisiúnta araon;

Critéir inmhianaithe:

• Tuiscint chuimsitheach ar na sáinchéisteanna a théann I bhfeidhm ar dhaoine óga as pobail faoi míbhuntaiste.
• OCN leibheál 2 san Obair Óige nó cáilíochtaí ábhartha cuí

Iarrtar ar dhaoine ar spéis leo cur isteach ar an phost seo, foirm iarratais a iarraidh (nasc thíos) agus an fhoirm a chur trí rphost chuig an Roinn Achmainní Daonna An Carn, ag obair@ancarn.org

Spriocdháta iarratais: Dé hAoine 6ú Márta 2026 ag 5pm

Dáta an agallaimh: le chinntiú

2026.02.25 Oibrí Tacaíochta Óige- Foirm Iarratais- CARN TÓCHAIR 2026

2026.02.25 Oibrí Tacaíochta Óige x4 – Cur síos Poist- CARN TÓCHAIR