Ciste Scoláireachta – Sintiús bailithe ar Dhomhnach na Slat ar an tsiúlóid i gcuimhne ar Thomás Ó Caiside

Domhnach na Slat – Siúlóid i gcuimhne ar Thomás Ó Caiside ar shliabh Charn Tóchair.

Ba mhaith le muintir An Carn agus Clann Uí Chaiside buíochas ó chroí a ghabháil le gach duine a thug síntuis don bhailiúchán ag an tsiúlóid ar Domhnach na Slat.

Bhí £1,310 tógtha ar an lá. Bhí sé iontach speisialta an oiread sin daoine a fheiceáil ar an tsiúlóid bhliantúil arís, go háirithe i ndiaidh dhá bhliain nuair a bhí srianta Covid i bhfeidhm. Shocraigh Clann Uí Chaiside an t-airgead a chur i dtreo scoláireachtaí chun na Gaeltachta i mbliana.

Beidh na scoláireachtaí a roinnt amach trí Feis Charn Tóchair i mbliana. Más mian leat scoláireacht a fháil ní mór iontráil a chur isteach ar an Fheis faoi Dhéardaoin an 28úAibreán ar www.ancarn.org/whats-on/feis-charn-tochair-2022

Tuilleadh eolais faoin chomórtas scoláireachta ar fáil i Rialacha agus Treoirlínte na Feise atá ar fáil ar suíomh An Carn.